Fakamanatuaga 70 Tau he Fakatu e GB ha Niue
Ko e Fale Senetenari he Ekalesia Kerisiano Niue ne fakahoko ai e tapuakiaga fakamanatu aki e tu he 70 e tau tau tali he kamata ai e Au he 70 e tau tau tali he kamata ai e Aoga he tau Fanau Fifine ha Niue ko e Girls Brigade. Ko e kakano lahi ni ne fakahoko ai e fakamanatuaga ia ke he fale ia, ha ko e kaina haia he tamata ai e aoga he tau fanau fifine he tau 1947. Ko e mena fa mahani ke fakahoko he tau tau takitaha he faahi tapu ke ua aki he mahina ha Iuni, ka ko e tau nei fakahoko, kua fakahoko ai he Aho 17 he mahina nei ha Iuni.
Ko e fakaveaga manatu kua matapatu ki ai e aho nei ha lautolu, "Atihake mo e Malolo.....ia Iesu Keriso...."Be Empowered i n Jesus Christ." Kua igatia ni e tau Ekalesia takitaha mo e ha lautolu a tau matakau ne kua fakalataha atu ke he aho, mo e kua fakalataha ai foki e takitaki He Girls Brigade he Pasifika ko Mrs Renelle Neale.
Kua ha ha foki e tau kotofa he tau fanau fifine ke totou ai e Tohi Tapu mo e tau kotofa liogi, ko e tau fakamatalaaga mai ia lautolu e tau mamatua ne kua leva e gahua ke he matakau nei, tuga e matua fifine ko Mrs Ettie Vilitama, Mrs Lousiana Kakauhemoana mo Mrs Mata Tahafa.
He oti e fakaholoaga he tapuakiaga ne kua taumafa ai a lautolu ke he tau kai kua tauteute ai he tau matakau takitaha mo e tause ai taha fakaholoaga he tau kamupani takitaha, kamata ai e Liku fano hala tokelau mo e fakaoti ai e Hakupu.
Kua tuku atu e tau manatu fakaue he tau takitaki he matakau nei kia lautolu kua fakalataha atu ke he taonaga nei mo e fakamanatu atuloa e Tuaga 70 Tau tali mai he fakatu e matakau Girls Brigade he motu nei ko Niue.
